Mosubra 176 mil ka indibidwal nabakunahan na tibuok Zamboanga Peninsula

21

Pagadian City – Mosubra na sa 176 mil ka indibidwal ang nabunahan sa tibuok Zamboanga Peninsula.
Kini ang gibutyag ni Dr. Augusto Manolo Alpichi, Assistant Regional Director sa Department of Health Regional Office IX, moihap na sa kinatibuk-ang 176,459 ka mga indibidwal sa Region 9 ang naturukan sa unang dose sa Covid-19 vaccines samtang mosubra sa 61,000 ang naturukan sa ikaduhang dose sa bakuna.
Gumikan niini giaghat ni Dr. Alpichi ang mga naa sa A1, A2 ug A3 priority group nga magparehistro ug magpabakuna ilabina ang mga senior nga maoy nakatala og pinaka-ubos nga porsyento sa mga nabakunahan sa rehiyon-9.
Sa datos usab sa mga bukana nga niabot sa rehiyon, mikabat na sa 343,000 doses sa Covid-19 vaccines ang nadawat sa Zamboanga Peninsula gikan sa Department of Health Central Office.
Kagahapon niabot na ang ika-15 batch nga mga bakuna kontra Covid-19 sa A1, A2 ug A3 priority groups sa rehiyon 9.

Facebook Comments