Padayon pa nga ginasuta sa mga kapulisan ang motibo sa pagpamusil patay sa usa ka ulitawo nga igo lang nikaon og balut uban sa iyang uyab adtong milabayng gabie didto sa Spring Village, Poblacion, Pangantucan, Bukidnon.
Giila ang biktima nga si Warben Dela Peña, 23 anyos, ulitawo ug residente sa Sitio Jarque, Brgy. Adtuyon, Pangantucan, Bukidnon.
Sumala sa uyab sa biktima nga kalit lang mibanaog ang tulo (3) ka buto sa pusil ug sa wala damhang panghitabo nakatihan-ay na iyang uyab sa kalsada. Gidali-dali pag dala sa Hospital ang maong biktima apan gideklara kini nga Dead-on-Arrival.
Basi sa imbestigasyon sa kapulisan, duha (2) ka bala ang nakuha sa patayng lawas sa biktima ug padayon ilang imbestigasyon aron matagaag hustisya ang kamatayon niini.
