Sa interbyu sa DXDC RMN Davao kang Police Lieutenant Colonel Edgardo Bernardo, Chief of Police sa Tagum City PS, giila niini ang biktima nga si Aldhrin Mark Daquio, magtutudlo sa Kolehiyo ng Pantukan sa Davao de Oro.
Sa imbestigasyon, gikan Pantukan ug mibiyahe padulong Tagum si Daquio aron mupalit og motor, diin ka-transaksyon niini si Joelyn Cervantes, empleyado sa usa ka kan-anan sa Tagum kung asa nahitabo sa gawas sa maong establisemento ang pagpusil sa biktima human kini giduol sa suspek nga dali usab nga misibat human sa insidente.
“Doon sila nagkita (ng ka-transaksyon niya) sa Carnebros (restaurant) at dun din nabaril yung biktima po natin. Ang lumalabas po rito na tingin po namin, from Pantukan sinundan po ito papunta rito hanggang sa Tagum City,” saysay sa pulis.
Samtang, gikondena usab sa Local Government Unit (LGU) Pantukan ang brutal nga krimen, ug sila nanghinaut nga mapaspasan ang imbestigasyon aron gilayon makab-ot ang hustisya.
RadyoMaN Kirby Manzon
