Padayon sa gihapong gi-establisar sa kapolisan sa Bulua Police station ang insaktong motibo, sa pagpusil patay niadtong Sabado sa hapon sa Brgy. Canitoan ning dakbayan nilang Wilmer Apostol sa Valencia City ug Brian Campongan sa Kalilangan nga puros taga probinsya sa Bukidnon.
Kini ang gipahibalo ni Police Major Evan Vinias, ang spokesperson sa Cagayan de Oro City Police Office o COCPO.
Gibutyag ni Major Vinias, nga gimando karon ni COCPO director Henry Dampal sa Bulua Police Station, nga sundon ang maong kaso aron masayran kinsa ang mga suspek ug masulbad ang kaso ug mahatagan sa hustisya ang mga biktima.
Gawas niini, gisusi ug gitun-an pa usab ang mga nagkadaiyang anggulo aron masayran ang rason sa pagpatay nilang Apostol ug Campongan.
Kini ilabina nga walay nasayran ang pamilya, nga adunay hulga sa kinabuhi ang mga biktima.
Mahinumdoman, nga samtang sakay ang mga biktima sa ilang dalang KIA Bongo, gilakag usab sila sa wala mailang mga suspek nga sakay sa Honda xrm nga motor kolor itom ug walay plate number kinsa nagpasalba pa sa ilang armas.
Tungod niini, mihunong ang mga biktima ug sa pag-abot sa mga suspek dayon kining pusil kang Campongan ayha kang Apostol.
