General Santos City–Gikawat ang usa ka motor sa wala pa nailhang suspek sa area sa Kadulasan Street, Brgy. East, General Santos City.
Ang motorsiklo gimanihuan ni Angelo Carcillary Y. Geverola, 15 anyos, estudyante, residenti sa Morales Subd. Brgy. City Heights General Santos City
Sa report sa kapulisan nasayran nga alas 3:15 ganihang kadlawon misumbong kanila ang biktima human nga giilog sa wala mailhing suspek ang motorsiklo nga iyang gimanihuan nga usa ka Honda XRM 125 nga may kolor combination pula og puti.
Matud pa kang Geverola, Pasakay na sila sa iyang kauban nga si Bandoy Lumaya, 32 anyos , single , laborer, residenti sa Linan, Malapatan Sarangani Province sa dihang may nakita sila na tulo ka lalaki diin usa nakasul-ob og kolor gray nga t-shirt ug naka ballcap samtang ang duha maoy nagsilbing look-out.
Kalit gibira ang t-shirt ni Geverola dungan sa pagsulti nga āCARNAP NIā , gisuwayan ug sumbag sa suspek ang biktima dungan sa pagbunlot ug hait nga hinganiban.
Nakabantay usab ang biktima hinungdan nga paspas kining midagan samtang ang kauban niini na si Bandoy misukol pa sa suspek. human nabulabog ang lugar, gilayong misibat ang mga suspek padulong sa Santiago Blvd dala ang motorsiklo.
Gilayong mireport sa buhatan sa Police Station 6 si Geverola, samtang gilayon nga giflash alarm ngadto sa kwerpo sa kapulisan dinhi sa dakbayan sa Gensan ug kasigbit nga lugar ang motorsiklo sa pamasin nga kini marekober pa.
