Tampilisan, ZDN-Boluntaryo nga mitahan ang driver sa dumptruck human nga nakigsungag sa motorsiklo didto sa may National Highway Brgy. Malos, Tampilisan, Zamboanga del norte.
Nahitabo kini sa miaging gabie, ang maong hitabo gilangkuban kini sa pula nga Suzuki Raider 150, gimaneho ni Roberto Buhale, 59 anyos, usa ka brgy. Kagawad sa Brgy. Cabong Naga, Zamboanga Sibugay uban sa iyang angkas nga si Anel Gandangan, 28 anyos.
Samtang ang nagmaneho sab sa Izusu dumptruck mao si Jimsun Telmo, 27 anyos, taga Riverside, San Roque, Zamboanga city.
Sa resulta sa imbistigasyon sa kapulisan, kining motorsiklo nga gimaneho ni kagawad buhale nagbyahe kini gikan sa Liloy padulong sa Pob. Tampilisan.
Matod pa nga kusog ang pagpadagan niini ug misulay pag overtake sa gisundan nga motor ug wala kabantay nga nagpadulong sab ang dumptruck hinungdan nga maayong pagkabangga ug nangalagpot gikan sa ilang gisakyan.
Nakaangkon ug grabeng bun-og ug mga bali ang sakay sa motorsiklo, dali kining gidala sa balay tambalanan pero kini si kagawad buhale gideklarang DOA, samtang ang angkas niini anaa pa sa talandugon nga kahimtang didto sa Ipil Emergency Hospital, Zamboanga Sibugay.
