ISABELA, NEGROS OCCIDENTAL – Kasubo karon ang ginabatyag sang pamilya sang mag-utod nga naaksidente sa motorsiklo matapos napatay ang isa sa ila kag samaron naman ang isa pa sa insidente nga natabo kahapon sa banwa sang Isabela.
Nakilala ang biktima nga napatay nga amo si Ramil Ramiez, 28 anyos ang edad samtang pilason naman ang iya magulang nga amo ang nagadrive sang motor nga si Reynaldo Ramirez, 31 anyos ang edad, lunsay pumuluyo sang Brgy. Cudangdang, EB Magalona.
Suno sa report, ang mga biktima ang naghalin sa sur kag magapadulong na kuntani sa norte, apang pag-abot sa area sang Brgy. Rumirang, Isabela, nag-overtake ini sa ginasundan nila nga salakyan.
Pero ang salakyan nga ila ginasundan ang nag-overtake naman rason nga gulpi nagpreno ang motor gani nagtabog ang mag-utod.
Sa karon padayon pa nga ginabulong sa Ignacio Arroyo District Hospital ang pilason nga si Reynaldo samtang, ginahimo naman ang bangkay sang manghod nga si Ramil./dyHB BACOLOD
