Motor nakigsungag sa laing motor

21

Piñan, ZDN-Balay tambalanan ang gitugpahan sa duha ka mga riders human kini sila nagsungag sa tunga sa dalan didto sa Brgy. Pob. North, Piñan, ZDN duol sa UBay Plaza Triangle, nahitabo niadtong adlawng lunes.

Gilangkuban kini sa duha ka motor, gimaneho ni Joe Paolo Acoymo ang Yahama nga motorsiklo, taga Dawo, Dapitan, trabahante sa DPWH 3rd engineering district.


Samtang gimaneho usab ni Junnie Magamay ang Honda wave, ug pakyas kini makapakita ug papeles sa iyang motor nga gimaneho.

Sa nasayran gikan sa kapulisan, matod pa kining duha ka mga motor, nagbyahe kini sa managlahing direksyon ug paghidangat niini sa lugar nahitaboan partikular sa kurbadahon aksidenteng nagkapingki-anay ang duha ka motor, hinungdan sa ilang pagkalagpot nga miresulta sa ilang pagkapangos.

Gidugang pa sa PNP Piñan, kini si Junnie base sa pag imbistiga, naka alimogmog kini ug agua de pataranta atol sa ilang panagbangga.

Facebook Comments

From Advertisers