BACOLOD CITY – Magabaton sang 20 tanan ka bag-o ukon brand new nga mga units sang motorsiklo nga Kawasaki Rouser (135cc) ang Police Regional Office 6.
Ang Bacolod City Police Office ang makabaton sang 12 kag ang Iloilo City Police Office ang may ara sa walo.
Suno sa BCPO nga ang amo nga bag-o nga mga motor ang makabulig sa mga police stations sa highly-urbanized city sa pagpatigayon sang police visibility particular sa mga magutok nga dalanon kag mga slum areas nga indi pwede makasulod ang patrol cars.
Katuyuan sang amo nga distribution sang mga motorsiklo nga mapadayon ang trabaho sang pulis agud mangin hilway ang komunidad kag masiguro ang peace and order.
Angut sini, naga-apelar ang police sa suporta sang pumuluyo ilabi na gid ang pag-report sa utoridad kon may makita nga suspicious nga tawo ukon mga tawo sa tagsa ka lokalidad./dyHB BACOLOD
