Davao City – Dead on the spot ang usa ka lalaking motorcycle rider human nalatayan ang ulo sa ligid sa truck sa Catalunan Grande pasado alas10:00 sa nakalabay’ng gabii.
Sa interbyu sa DXDC RMN Davao kang Police Major Noel Villahermosa, Talomo PNP station commander nagbiyahe sa opposite nga lanes ang motor ug ang fuso truck.
Sa imbestigasyon nawad-ag kontrol ang motorsiklo nga gimaniho sa biktimang si JOVER LORESTO LAGUIT, 33 anyos nga taga- Sunrise Village, Matina Davao City, samtang padulong sa C.P. Garcia highway.
Natumba kini sa pikas lane hinungdan nga naligsan sa truck nga gimaniho ni RIEZEL JAY ARON MASA, 30 anyos, taga- Catalunan Grande, Davao City.
Gideklarang patay sa mga responding paramedics sa Brgy. Catalunan Grande ambulance ang biktimang rider.
Gikustodiya sa Talomo PNP, ang truck driver ug posibleng makasuhan.
RadyoMaN Aimee Guinita
Facebook Comments
