Davao City – Usa patay sa disagrasya kadalanan sa may Lubogan Toril atubangan sa may Lubogan Public Cemetery kaganinang alas 5 pasado sa buntag.
Ang namatay sa bangga mao si Gerson Comcom Menaling, 35 anyos residente sa Purok 1 Bago Gallera Talomo ning syudad ug ang kasugat niini nga motorsiklo gimaneho ni Adolf Carl Sidlacan Tababa, 19 anyos nga taga Purok 5 Patin-ay Prosperidad Agusan del Sur, angkas si Stephanie Bernadas Sala, 20 anyos nga taga Talomo kinsa pareho kritikal ang kondisyon sa karon.
Base sa report nagsugat kining duha ka mga motor ug tungod sa kakusog sa impact nangalagpot ang mga biktima ug na grabehan si Melaning gumikan naparok ang ulo niini sa sementadong dalan hinungdan sa iyang kamatayon.
Ang patayng lawas ni Melaning gidala na sa Villa Funeral Parlor aron sa burial services.
RadyoMaN Paul Canono
