Davao City – Angol ang duha ka lalaki ug usa ka babaye human kini mahulog sa ilang gisakyan nga mga motorsiklo sa dihang nabangga kini kanto sa Los Amigos Tugbok Dist. ning syudad.
Mga angol naila nga sila si Jonald Solinap, 29 ang driver sa single nga mtorsiklo ug ang angkas niini nga si Rodel Rejas, 22 anyos samtang angol usab ang 57 anyos nga pasahero sa close cab motorcycle nga si Vangie Cawilan residente sa may Barangay Talandang Tugbok ning syudad.
Base sa report bandang alas 5:45 sa hapon sa milabayng adlaw nag abot sa nahisgutang dalan ang duha ka mga behikulo ug natumba ang single nga motorsiklo samtang miuntol ang sidecar ug nahulog sa gutter resulta sa pagkahulog sa babaye nga pasahero niini diin naka angkon og mga samad sa nagadaiyang parte sa kalawasan ang mga nahisgutang biktima.
Gitabang ug gidala sa SPMC ang mga samaron samtang gipasa na sa LTO ug sa barangay ang imbestigasyon sa maong bangga.
RadyoMaN Paul Canono
