Ginpamumusil patay an usa nga motorcab driver han mga diri pa nakikilala nga mga suspek kasanggab-i ha Purok 10 Brgy. Trinidad ha Calbayog City, Samar.
Base ha report han Calbayog PNP, ginkilala an biktima nga hi Deolito Alcantara Monteron. Naidara pa hi Monteron ha Calbayog City District Hospital han mga kapulisan pero dead on arrival na ini.
Ha inisyal nga imbistigasyon han mga otoridad, naglalakat an biktima tikadto ha pinaka hirani nga tindahan ngan tigda la nga may umabot nga mga kalalakin-an ngan ginpusil na ha iba iba nga parte han lawas hi Monteron.
Ha pagka yana, diri pa ma identify han Calbayog PNP kun ano an gingamit nga pusil han mga suspek.
Padayon pa liwat an imbistigasyon han mga otoridad.
Facebook Comments
