Ginakontra sang grupo nga Philippine Guardians Brotherhood Motorcycle Riders Club ang mando sang National Inter-Agency Task Force (NIATF) nga magbutang sang barrier para sa pag-angkas sa motorsiklo.
Sa interview sang DYHB kay Art Mixdon, presidente sang Philippine Guardians Brotherhood Motorcycle Riders Club, ginpahayag sini nga laban sa tugaplak ukon disgrasya ang mga riders sa amo nga plano sang gobyerno.
Suno kay Mixdon, delikado kun may yara sang barriers sa tunga sang driver kag angkas bangud nga maka-apekto ini sa balanse sang motorsiklo ilabi kun madasig ang pagpadalagan.
Magluwas diri, ginaproblema man sang grupo ni Mixdon kun diin makabakal sang amo nga barriers diri sa Negros Occidental.
Nahibaluan nga gin-aprubahan na sang NIATF ang duha ka prototype sang barriers nga gikan sa motorcycle taxi service nga Angkas kag ang gin-desinyo ni Bohol Governor Arthur Yap.
Samtang, ginpaisol naman sa Hulyo 26 ang deadline para sa mga motorsiklo nga mag-install sang barriers.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
