Matud ni Mayor Baste (sa interbyu sa city-owned radio), angay nga masayud ang nahisgutan kung unsa ang traffic rules ug regulations ilabina ang paghatag og panahon sa mga indibidwal nga manabok sa karsada.
Gitahasan karon sa alkalde ang law enforcers sama sa City Transport and Traffic and Management Office (CTTMO), Highway Patrol Group (HPG) ug Land Transportation Office (LTO) nga istriktong i-monitor ang dalan aron madakpan ang mga abusadong indibidwal.
“Nagapanawagan ko sa CTTMO, sa HPG ug LTO nato, istriktohi na ninyong dalan nato kay dagha’g tawo sa dalan gabaktas,” panawahan sa mayor.
Kahinumduman, niadtong Huwebes (September 8, 2022) sa dihang adunay nabanggaan og pick-up truck nga babayi sa pedestrian lane sa Toril, Davao City.
RadyoMaN Kirby Manzon
