DILG-XI: Brgy. Kapitan responsibilidad ang problema sa iyang residente

41
Davao City – Obligasyon sa usa ka kapitan sa barangay nga respondehan ang iyang mga residente ugaling magtabang man kini sa ilang problema o isyu diha sa komunidad.

Kini ang giklaro ni Alex Roldan, Regional Director sa Department of Interior and Local Government (DILG)-XI sa interbyu sa DXDC RMN Davao, human nga nagpatabang ang usa ka amahan ngadto sa kapitan sa Barangay Manambulan, Tugbok District, Davao City tungod kay na-trauma matud pa ang iyang anak human sila gi-harass sa presidente sa Hugpong Village, apan midumili sa pagtabang ang punong barangay.

“Dili pwede nga muingon ang kapitan nga manghinaw ko diha, dili ko manghilabot. Dili na sya pwede. Kinahanglan nga mangita sya’g paagi nga ma-coordinate sa kadtong mga authorities nga pwedeng makatabang aron masolbad ang problema sa barangay,” tataw ni Roldan.

Gitino sa DILG-XI official, responsibilidad sa barangay kapitan nga matabangan o ma-assist ang iyang ginsakpan aron masayran ang mulo o bahin sa duha ka kampo ug kini mahatagan og hinanaling solusyon.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments