Ginpaidalom sa subong sang South Cotabato Highway Patrol Group ukon HPG sa validation ang siyam ka motorsiklo nga ginchop-chop kag gintago sa isa ka motorshop sa Brgy GPS sa syudad sang Koronadal matapos makabaton sang impormasyon ang kapulisan sa motornapper nga ila sini nadakpan nga mismo mekaniko sang nasambit nga shop.
Suno kay Police Chief Inspector Arnold Cariño, Hepe sang South Cotabato HPG, nagluad suno pa ang suspek nga ila sini nadakpan kaina sang magpatigayon sila sang anti carnapping operation sa Syudad sang Koronadal sa alegasyon nga ginadala nya ang karnap nga motorsiklo sa shop nga iya sini ginatrabahuan.
Dugang pa nya, sa tion nga magpositibo nga karnap ang mga motorsiklo mapasakaan sang nagakaigo nga kaso sa pagpabayolar sa PD 1612 ukon anti fencing law ang tag-iya sang motorshop kag posibli pa mapasarado ang iya sini pwesto.
Samtang ginpahayag naman sang wala ginpangalanan nga mga tag-iya sang motorshop, ginbilin lang sang mga tag-iya ang ila sini mga motor
Madumduman nga pito na ka motorsiklo an gnakuha sang mga carnapper subong pa lang nga bulan sang Nobyembre subong nga tuig sa syudad sang Koronadal.
Gilayon naman nga gindala sa kustodiya sang South Cotabato HPG ang nakuha nga mga motorsiklo.
