Margosatubig, Zamboanga del Sur – Dead on arrival ang managsuon human mibanga sa poste ang gisakyan niini nga motorsiklo sa Sitio Tagimtim Barangay Poblacion, Margosatubig, Zamboanga del Sur.
Giila ang mga biktima nga sila Jonathan Ibona, 25 anyos ug Perlito Ibona Jr, 21 anyos pulos residente sa Purok Ube Barangay Tulapok sa maong lungsod.
Base sa imbestigation, samtang nagdagan ang motorsiklo nga gimaneho ni Jonathan paingon sa Barangay Tulapok dihang niabot sa kurbada nga bahin sa lugar aksidenteng mideritso sa kilid sa kalsada og nisungag sa poste.
Gumikan sa kakusog sa impak nayupi ang atubangan sa motorsiklo og ang mga sakay nakabaton og lain-laing samad sa lawas rason nga daling gidala sa ospital apan dead on arrival.
Dugang sa imbestigasyon kusog ang dagan sa motorsiklo hinungdan nga nawad-an og kontrol ang driver dihang nidangat sa ugar.
Sumala sa otoridad, gibantog nga killer highway matud pa ang maong lugar gumikan sa kadaghang aksidente nga nahitbo og kadaghanan patay.
