General Santos City—patay ang usa ka ginang samtang angol ang live-in partner niini human nga nabalintong ang ilang motorsiklong gisakyan sa dalang Apopong ning dakbayan sa Gensan.
Biktimang namatay giilang si Cherilou Balbuena Boybanting, 31, residenti sa Purok 5, Lanton, Barangay Apopong ning syudad.
sa imbistigasyon sa Traffic Management Unit nasuta nga alas 12:00 ang takna kagahapong adlawa dihang kalit nabalintong ang gisakyan sa mga nahisgutan nga miresulta sa paglagpot sa duruha.
Naigo sa semento ang ulo sa biktimang si Cherilou nga hinungdan sa iyang kamatayon samtang ang live-in partner niini nga si Sherwin nakaangkon ug mga samad sa lawas kansa gidala gilayon sa ospital.
Sa karon ang patayng lawas sa biktima anaa na sa lokal nga punerarya sa syudad, samtang ang lapuyo niini pabilin pang nagpaalim sa iyang samad nga naangkon sa balay tambananan.
