Suralah, South Cotabato–Patay ang duha ka mga driver sa motorsiklo, human nag-banggaanay sa National Highway nga bahin sa Purok Maligaya, Barangay Dajay, Surallah, South Cotabat.
Ang maong insidente gikalambigitan sa usa ka Kawasaki Bajaj 100 MC, kolor pula nga gimanihuan ni Jordan Sague, hingkod ang pangidaron ug residente sa Brgy. Basag, T’boli, South Cotabato ug us aka Honda Wave 100 MC, nga gimanihuan ni Rolly Labordo Namananap, 49 –anyos, minyo ug residente sa Prk. Rosas, Brgy. Dajay, Surallah, South Cotabato.
Sa imbestigasyon sa Surallah PNP, nagsubay ang duha ka mga motorsiklo sa managlahing direksyon kung asa si Jordan Sague ang padulong unta sa Lake Sebu, South Cotabato ug si Labordo ang gikan sa Brgy. Colongulo, padulong sa Brgy. Dajay, Surallah, apan pag-abot sa Prk. Maligaya, Brgy. Dajay, partikular na sa Beda area, nagbanggaanay ang mga nahisgutan.
Kalabutan niini, ang duha ka driver susamang nakaangkon ug daghang mga samad sa nagkadaiyang parte sa kalawasan. Daling gidala si Sague sa Javelosa hospital sa Surallah, apan gindeklarang patay sa attending physician, samtang si Labordo, gideklarang dead on arrival sa Lariosa Clinic and Hospital.
