Dead on arrival sa Corazon Locsin Montelibano Memorial Regional Hospital ang driver sang motorsiklo samtang pilason ang iya duha ka angkas sang makabunggo sa van sa North Drive -Burgos Extension, Brgy. Villamonte, ciudad sang Bacolod, alas-10:30 kagab-i.
Base sa blotter sang Police Station 4 ang biktima ginkilala kay Rolien Clyde Bolneo Alunan sang Charito Heights, samtang pilason ang iya mga angkas nga sanday Jessie Rey Montebon sang Purok 3 kag Darwin Alcalde sang Purok 4, lunsay sang Brgy Granada, Bacolod City.
Suno sa imbestigasyon sang pulis, gina-usoy sang motorsiklo ang east padulong sa west nga direksyon sang Burgos extension road sang nagbunggo sila sa Nissan Escapade van nga ginamaneho ni Roche Epistola, 50-anyos sang Brgy. Concepcion, Talisay City, nga paliko sa north direction sang dalan North Drive.
Samtang sa interview sang DYHB sa driver sang van, halin siya sa Teleperformance sa Magsaysay Avenue, Bacolod City kag nagdul-ong sang isa ka call center agent sang nagluntad ang aksidente. Detained karun ang driver sang van sa Bacolod Police Station 4.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
