Motorsiklo sang kolektor, ginkawat sa Koronadal City.

15

Wala na sang pagbalik sang isa ka collector ang ginpark nga motorsiklo sa isa ka establishemento sa Koronadal City base sa nabaton nga report sang Koronadal CPS, alauna sang hapon , kahapon nga adlaw, Oktubre 11, 2021.
Ginamaneho ni Edmund Centino Patches Jr., 21 years, collector sang Cooperative Bank of Cotabato kag residente sang Lapu-lapu Village, Brgy. Poblacion, Sto. Niño, South Cotabato ang XRM 125 motorcycle, color black and white, may temporary plate # 12001-555-070, chassis #KPY0017141 with engine # KPYSOE017138.
Sa imbestigasyon sang Koronadal CPS, ginpark sang biktima ang motorsiklo sa atubangan sang Aga Fried Chicken House sa bahin sang Abad Santos St., Brgy. Zone 3, Koronadal City kag nagsulod sa establishemento agud mag-istorya sa tag-iya angot sa weekly loan payment sini.
Apang ginbilin sang biktima nga nakaangot ang susi sa motorsiklo kag paggwa niya sang 10 tubtob 15 minutos wala na ang iya nga motorsiklo nga ginapatihan ginkuha sang kawatan.
Nahibaluan nga ang nasambit nga motorsiklo ang gin-isyu sa biktima sang ila nga kumpanya.
Gilayon naman nga nagpatigayon sang hot pursuit operation ang kapolisan kag nagflash alarm sa mga kaingod nga police stations.

Facebook Comments