Sa interbyu sa DXDC RMN Davao kang Police Major Marvin Hugos San Pedro Police Station Station Commander, narekober ang motor sa Doña Salud, Brgy. Sasa ning dakbayan.
Segun ni Hugos, subay sa ilang gihimong inbestigasyon nabilin sa tag-iya ang susi sa motor hinungdan gi-drayban sa wa mailhing suspek padulong sa Legaspi St., diin nakita kini sa CCTV Camera.
Dugang ni Hugos, padayon ang gihimong follow-up inbestigasyon sa mga awtoridad aron mailhan ug madakpan ang suspek nga mikuha sa maong motor.
“Ato pa ning ginasubay aron mailhan ang suspek,naa man god nahitabo dati sa una noh, ibilin lang ang motor kung mahutdan og gasolina”, Sulti ni Hugos.
Kahinumduman, meriklamo sa San Pedro Police Station ang tag-iya sa motor nga gitago lang sa pangalan alias Llancy human gi carnap ang iyang motor.
RadyoMaN Don Pulayao
