Gilusad sa probinsyal nga kagamhanan sa Camiguin ang “Climb Camiguin” sa pakigtimbayayong sa Department of Tourism.
Gawas sa mga nindot nga falls sa isla lakip na mga beach resort, spring, festivities ug pagkaon, mahimo usab nga ma-enjoy sa mga turista ang trekking sa bukirang bahin lakip na ang pito ka mga bulkan sa probinsya nga gilangkoban sa Mt. Hibok-Hibok, Mt. Mambajao, Mt. Guinsiliban, Mt. Timpong, Mt. Vulcan, Mt. Uhay ug Mt. Tres Marias.
Alayon niini, nagpahimangno ang local government sa mga mosaka sa bukid nga magbantay sa ilang mga lihok aron dili madaot ang kinaiyahan.
Samtang, Matud ni Ms. Marie Elaine Unchuan, ang Regional Director sa Department of Tourism nga nakadugang sa mga produkto sa ilang ahensya ang mountain tourism nga gilangkoban sa farm tourism, dive tourism, faith tourism ug cultural tourism.
