KABANKALAN CITY, NEGROS OCCIDENTAL – Nasapwan nga patay ang isa ka lalaki nga may yara sang igo sang bala sa iya ulo pasado alas-2:30 sang kahapon sang kaagahon sa National Road sang Sitio Bino, Brgy. Orong, syudad sang Kabankalan.
Wala pa sang identity ang amo nga biktima bangud na wala ini sang bisan ano nga ID sang nasapwan.
Ginabulubanta nga ini ang naga edad 30 anyos, may tattoo nga star sa duha niya ka abaga kag may tattoo pa gid sang isda sa tuo nga bahin sang iya dughan.
Suno sa imbestigasyon, una nga nakita sang isa ka barangay kagawad sang Brgy. Orong ang bangkay sang biktima samtang nga ini ang naga drive sang iya motorsiklo.
Ginpahayag sang kagawad nga nakita niya nga may madamo sang tinulo sang duog sa daslan sang Sitio Bino kag sa unahan didto kag iya nakita nga may bangkay sang isa ka lalaki sa kilid sang national highway.
Ang biktima may igo sang tatlo ka bala sa iya ulo nga amo naman ang gintunaan sang iya kamataon.
Sa karon nagapati ang Kabankalan City Police Station nga ginbilin lang ang biktima sa amo nga lugar bangud wala sang may na recover nga bala ukon empty shell sa crime scene./dyHB BACOLOD
