Gipanghimakak ni Mrs. Edna Ubatay nga sa iyang panimalay nagsugod ang kalayo sa Barrio ngitngit, Barangay Carmen ning syudad.
Sa interview sa dxCC-RMN, gibutyag ni Ubatay nga sa dili pa siya molakaw sa iyang balay, iyang gapang ibton ang mga nakasaksak nga mga appliances, busa impossible nga sa iyang balay nagsumikad ang kalayo.
Dugang pa niini, nga iya usab nga gasirad-an ang iyang balay, ug walay bata nga iyang gai-bilin, tungod kay iya kining ubanon sa merkado sa kahadlok nga madisgrasya kini sa kadalanan.
Kung sa taas man sa iyang balay nagsugod ang kalayo, possible nga sa live wire kini tungod kay nakaibot ang tanang gipansak sa iyang panimalay.
Samtang dili tinuod nga iya ang nibuto nga Liquified Petroleum Gas kon LPG.
Matud ni Ubatay nga tinuod nga aduna siyay LPG apan wala kini mibuto tungod kay naka lock kini.
Dugang pa ni Ubatay nga possible nga ang iyang mga gikompra nga mga de lata ang nambuto, tungod kay bag-ong kompra siya niadtong higayona.
