General Santos City—nadawat na sa mga atleta sa Mindanao State University ang Jersey gikan sa RMN Gensan.
Nasayran nga ang MSU maoy nahimong binipisyaryo sa RMN Run sa Kalilangan nga gipahigayon niadtong bulan sa Pebrero karong tuiga.
Alas 9:00 ang takna sa buntag kaganina dihang giturn-over sa RMN admin staff sa pagpanguna ni Ms. Joy Delos Santos Barcelete ug Ms. Rejoice Presco uban ang RMN News Team ilaawom sa superbisyon ni RMN Gensan Station Manager Inah Daven ang mukabat sa 12 ka mga Jersey sa mga binipisyaryo.
Dako usab ang pagpasalamat ni MSU Prof. Lorie Martin, Acting Director sa Office of Physical Education, Sports and Culture Affairs sa RMN Gensan human usa sila sa mga napiling binipisyaryo sa gihimong RMN Run sa Kalilangan.
Nasayran nga kanunay usab gasuporta ang MSU sa mga aktibidad sa RMN gani matag fun run nga gipahigayon sa sibyahanan ang MSU-Gensan ang adunay pinakadaghang deligado.
Nisaad usab si Prof. Martin nga kanunay silang musuporta sa mga sama niining aktibidad sa RMN.
