Usa ka resolution ang aprobahan ugmang adlawa sa Sanguniang Bayan sa Lungsod sa Gitagum, Misamis Oriental.
Kini aron temporaryong serhan sa publiko ang Mt. Anggas ug walay ni bisan kinsa nga mga turista nga tugotan nga mosaka sa maong bukid samtang nagpadayon ang ting-init.
Matud ni Gitagum Municipal Councillor Nicole Velasco nga Chairman sa Committee on Toursim nga siya mismo ang mag-author ug mopasaka sa maong resolution.
Gibutyag ni Velasco nga iyang pangayoon sa Sanguniang Bayan sa Gitagum nga serhan sa publiko ang Anggas ranges sa usa ngadto sa duha ka bulan aron malikayan nga madisgrasya ang mga turista gikan sa grass fire.
Niadtong milabaynga simana, nasunog pinaagi sa grass fire ang kapin kon kulang 75 hiktaryas nga luna sa Mt. Anggas tungod sa kainit sa panahon nga dala sa El Niño Phenomenon.
Matud ni Velasco nga tungod sa ilang aprobahang resolution ugmang adlawa, dili madayon ang pormal opening sa Anggas Ranges sa bulan sa Abril imbis kini nga bukid maoy pambato sa lungsod sa Gitagum sa tourism Program sa maong lungsod.
