General Santos City–Wala nag mahimo pa ang Motorize Tricycle Franchising And Regulatory Board (MTFRB) batok sa mga abusadong tricycle driver nga grabi maningil ug pamasahe sa mga pasahero dinhi sa syudad.
Sumala pa ni Geraldin Zamora, Action Officer sa MTFRB nga dili nila madisiplina ang mga driver may franchise man o wala tungod kay wala matud pay city ordinance nga naga silot sa mga driver nga subra kung maningil.
Wala sab klaro kung hangtud asa ang gina-ingon nga minimum fare sa mga tricycle nga naga byahian tungod kay wala usay klarong taripa ang mga tricycle kung hangtud asa lang ang ilang minimum fare.
Hantud lang matud pa sila sa pagpatawag sa driver nga gireklamo sa pasahero nga nang-abuso aron usab nga esturyahon, apan gawas niini wala na silay mas bug-at pa nga silot nga mapakanaog sama sa pagtangal sa prankisa sa usa ka tricycle.
Dugang pa niini nga gikinahanglan gyud nga magmugna ug usa ka ordinansa ang mga konsehal sa syudad aron nga mahuman na ang maong problema.(Dave Silagan)
