General Santos City—Dead on arrival sa Doctor Jorge P. Royeca hospital ang usa ka sikad driver nga si Marc Paul Lintag, 36, ug residenti sa Soriano st. Barangay City Heights ning syudad human nga nadasmagan ug elf truck nga gimanihuan ni Sabino Nisnisan, 53, ug residenti sa DBP Land, Yumang St. Barangay City Heights ning syudad alas 9:10 ang takna sa gabie.
Subay sa reports a traffic management Unit, nga parehong nagdagan ang sakyanan nga gimanihoan sa biktima ug sa Elf sa Leon Liedo padulong sa J. Catolico Street apan pag abot sa Tiongson St. atubang sa Deped Gensan miovertake ang efl nga gimanihoan sa suspect sa nag-unang sakyanan.
Wala niini namatikdan ang kasugat nga sikad nga gimanihoan sa biktima hinungdan nga nabangaan.
Dali usab nga gidala ang biktima sa hospital apan namatay gihapon kini human nga naka angkon ug grabing samad sa iyahang kalawasan, sa karon gikustudiya na sa traffic management unit ang driver sa elf nga si Nisnisan samtang ginapaabot pa ang pamilya sa biktima alang sa pagpasang-at ug pormal nga reklamo. (Dave Silagan)
