Ta continua pa el investigacion del Curuan aserca con el matansa con un
persona del pasao noche donde su cuerpo ya recobri na Sitio Sapa Moro,
Latuan del Biernes aga.
El victima amo si Rolando Marcelino y Casimiro, 62, del mencionao lugar.
Con el cuerpo di Marcelino ya descubri alas 9:30 del aga na pasada de gente
poco-mas-menos 400 metro desde na diila residencia.
El victima ya sufri monton irida de tajo y lancianda na su cuerpo.
Base na informacion ya resibi el RMN Zamboanga, ya anda na un tienda si
Marcelino del Webes denoche para mira salida na television y despues ya
bolbe ya este pero nohay le llega na diila casa hasta ya encontra ya lang
conele muerto del Biernes aga.
El maga pulis ta precura pa busca con el hechor del matansa con Marcelino.
,
