General Santos City— Gipusil sa wala pa mailhing suspetsado ang usa ka Multicab Driver samtang kini nag huwat ug pasahero sa kilid nga bahin sa Plaza Heneral Santos, atubangan sa simbahan sa Iglesia ni Kristo, dili pa lang gyud dugay.
Ang biktima naila sa pangalan nga usa ka Ocmar Lucman, hingkod ang pangidaron, residenti sa Purok Lanton, Barangay Apopong Gensan. Usa ka samad pinusilan ang naangkon sa biktima ug dali kining gidala sa pinakaduol nga ospital.
Padayon pa usab ang gihimong imbistigasyon sa Police Station 1 sa pagpanguna ni Police Chief Inspector Jovenson Bayona, kung unsa na usab ang motibo sa pagpamusil. Nasayran nga dili moubos sa napulo ang kasong pagpamusil nga naitala sa Gensan, ning bulan lamang sa Agosto.
Facebook Comments
