Davao City – Padayong gipangita karon sa IGACOS PNP ang suspek nga mipusil-patay sa usa ka lalaki nahitabo sa Purok 1, Brgy, San Isidro, Babak District, Island Garden City of Samal alas-7:00 pasado kaganihang buntag.
Ang biktima giila nga usa ka Mark Vincent ‘Marvin’ Rubio, 40 anyos, way trabaho ug residente sa Purok 3, Brgy. San Isidro, Babak District, Island Garden City of Samal.
Atol sa interbyu sa RMN Davao kang PMaj. Romeo Mapanao Jr., chief of police sa IGACOS PNP, gibutyag niini nga nalambigit sa pagpatay ang biktima kaniadto human nadunggaban ang higala nga usa ka contruction worker.
Dugang usab ni Mapanao nga dunay kaso sa extortion ug pagkalambigit sa iligal nga droga ang biktima
.
Kahinumduman nga sakay sa iyang motorsiklo ang biktima paingon sa nasampit nga lugar diin pag-abot niini dunay wala mailhing lalaki ang mipatim-aw dayon pusil sa biktima nga miresulta sa iyang hinanaling kamatayon.
Gawas niini, nagpadayon usab ang imbestigasyon sa IGACOS PNP labot sa pagpusil-patay usab sa usa ka alyas Bitoy niadtong adlawng Sabado nahitabo sa Brgy. Miranda, Babak, IGACOS.
RadyoMaN Jason Amisola
