Sirawai, ZDn-Nagpatawag ug Municipal Peace and Order Council Meeting ( MPOC ), pinaagi ni MPOC Chairman, Mayor Gamar Janihim karon lang nga semana nga gi tambongan sa Battalion Commander sa 42nd IB Ltc Danilo Ambe, Commanding Officer ng Bravo Company, 42nd IB Lt. Basoy, Chief of Police Sirawai MPS PSI Arellano, 905th RMFB9 Police Inspector Cuevas, ZNPMFC Police Inspector Otero nga kauban sa Local Government Unit sa Sirawai para sa pagpalapnag sa kahapsay ug kalinaw.
Gihisgotan ang hugot nga seguridad sa tibuok Sirawai aron malikayan nga mahitabi sa maong lungsod sama sa gidangatan sa Jolo, Sulu nga biktima sa pagpamomba. Mas hugot ang paghimo ug checkpoint nga kung diin tanan mo sulod sa Sirawai kinahanglan adunay Valid ID.
Sa mga taga Sirawai nga walay ID pwedeng ipakita ang barangay Sedula. Aduna pud pagpatrolya sa kapulisan ug kasundaluhan.
Samtang gipahinumduman ang mga Barangay Officials nga tabangan ang mga tinugyanan sa balaod aron magpabiling luwas ang lungsod gikan sa mga tawong adunay plano maghimo ug dili maayo.
Mas gipakusgan ang Peace and Order Council sa barangay, bantayan ang mga baybayon nga posibleng dungguan sa mga lawless element.
Apil sab nga gihisgotan ang nagkaduol nga National Elections nga giklaro jud sa kapulisan ug kasundaluhan nga ng ” NO GUNS and NO GOONS ” para sa malinawon nga piniliay sa 2019.
Gipasa ni Battalion Commander ang proposal ngadto sa MPOC Body, pinaagi sa gahum sa MPOC RESOLUTION, ma-edeklarang ” PERSONA NON GRATA ” ang grupong JAMILON TUKALAN GROUP, nga gitudlong maoy nagpaluyo sa mga kidnapping ug pagpangharas sa lugsod sa Sirawai, apil ang mga kabanay niini nga nagtago, mitabang ug misuporta sa nahisgutan nga grupo.
Ang nahisgutan nga MPOC RESOLUTION gi uyonan sa tanan ug pinal nga ipatuman sa lungsod sa Sirawai.
