TALISAY CITY – Kaso nga murder ang atubangon sang 20 anyos nga construction worker matapos nga iya gid man gin-ako ang pagptay khsa 10 anyos nga bata sa Barangay Zone-14 B sang nagligad nga Biyernes sang gab-i.
Suno kay Almar Doron nga bisan sya ang wala man gani nakahibalo kon ngaa nga iya nahimo ang kremin basta lang nagsulod sa iya pinsar sa amu nga tion nga gapuson, busalan ang baba kag takpan sang plastic ang ulo sang bata.
Ginsugo nya pa gani ang bata nga ihaboy ang pan-os nga salad sa suba kag pagkatapos sadto, didto na kag natabo ang brutal nga pagpatay niya sa bata.
Gintago nya pa ini sa dalom sang lababo kag gintakluban sang labador ang bangkay sang bata.
Sang Sabado sa Straight to the Point program nainterview si Almar kag iya gindeny ang iya hitabo kag ginpasibangod niya ini sa iya abyan nga nakilala nya lang kay Jason.
Si Jason ang iya ginbulgar nga nagplastar sang shabu para sa pot session apang mga las otso naglakat ini halin sa amu nga puluy-an kag ginbilin ang yabi bangod ini ang magakadto sa balay sang iya nobya.
Nakibot lang sya sang mga malapit na las 10 sang nagbalik sya sa lugar sang nagkinaran karan ang mga tawo kag didto sya gindakop.
Apang sa pahayag sang tag-iya sang tyangge, wala nya nakita nga naglakat si Almar bangod mga las 9 man nag-utang pa gani sang duha ka stick sang sigarilyo ang suspek kag nagsulod man balik sa balay.
Gin-ako sang suspek nga nagagamit sya sang shabu umpisa sya 18 anyos apang nag-untat na sya rasun nga wala na sya nagsuyop, sang nagplastar na para sa pot session si Jason.
Sa iya pag-ako sang kremin, nagapangayo ini sang patawad sa pamilya kag nakahanda sya nga atubangon ang kaso.
Ang iya manghod nga 17 anyos ang ara naman sa DSWD bangod ini ang menor de edad.
