Lain-lain nga mga kaagi, storya, ug mga adbokasiya ang ilang gipasundayag nga buot nilang ipabati sa katawhan aron matud pa madunggan ilang tingog alang sa ilang tinguha sa pagpalambo ang syudad.
Sa interview sa DXDC RMN Davao kang Mutya #3 Hannah Maj Picco gikan sa Brgy. Cabantian, iyang gibutyag nga gamiton niya ang iyang pagka-plus sized woman aron ipakita sa katawhan nga, “your size doesn’t make you any less.”
Ug gipadungog sab ni Mutya #22 Krissane Kayelle Melchor gikan sa Brgy. 28-C ang iyang tingog sa paghatag og katungod sa kabatan-onang Persons With Disability (PWD) ug unprivileged sa dakbayan pinaagi sa usa ka awit.
Samtang nanawagan si Davao City Tourism Operations Office Officer-in-charge Jennifer Romero sa katawhan nga dili palagpason ang mga aktibidad.
“Very competitive sila, not only sa beauty. Lahi-lahi ilang beauty, lain-lain ilang advocacies. But one thing that is common, they can really speak out. I would like to invite everyone to join our activities for Mutya ng Dabaw, ” butyag ni Romero.
Kinsa kaha sa 30 kaha sa mga maanyag, maalamon ug adunay gugma sa ilang adbokasiya ang makoronahang Mutya ng Dabaw 2024. Atangi sa DXDC 621 RMN DAVAO.
RadyoMaN Ivy Parido
