Problema sa tubig, kurente gimulo sa mga biktima sunog sa San Ignacio
Gitubag ni Punong Barangay Jocelyn Amado sa Brgy. San Ignacio ning syudad sa Butuan ang reklamo nga gipaabot ning sibyaan gikan sa mga nasunogan sa Purok 3 sa naasyong barangay kinsa kasamtangang nagpuyu sa Evacuation Centers.
Nagreklamo ang mga ‘evacuees’ sa kawad-on sa tubig diha sa evacuation center nga makaapekto sa adlaw-adlaw nga panginahanglan ilabina kung modiktar na ang sugo sa lawas.
Sa interview sa RMN DXBC Butuan gibutyag ni Kap. Amado nga gikontrol nila ang pagpa-agas sa tubig gikan sa Butuan City Water District (BCWD) gumikan kay anaa pa’y balor sa P53,000 nga bayronon ang Barangay San Ignacio ngadto sa water district.
Nahitabo kini human naigu ang tubo sa tubig sa usa ka construction nga gihimu sa ilang lugar ug walay pundo ang Barangay nga ikabayad niini.
Apan giklaro ni Kap. Amado nga tugutan nila nga mogamit ug tubig sa BCWD ang mga evacuees alang sa pagluto sa ilang pagkaon apan gidasig sila nga adto magkuha ug tubig sa Deep Well likod sa Barangay Hall alang sa pagligo ug paglaba.
Hinoon mipasalig si Kap. Amado nga iyang iplastar karong adlawa ang sitwasyon sa mga evacuees human siya mogawas human naka-home quarantine.
Ang managsunod nga pamahayag sa nagreklamong evacuees ug ni Kap. Jocelyn Amado sa brgy. San Ignacio sa interview sa RMN DXBC Butuan.
