General Santos City—sikop sa operatiba sa Maasim Municipal Police Station ang usa ka gikaingong miyembro sa grupong Ansar Al Khilafa Philippines atol sa gihimong nilang Ronda sa panimalay sa suspek sa may Barangay Kanalu, Maasim, Sarangani Province niadtong nakalabayng adlaw.
Sikop si Gihad Abdullah, legal age, residenti sa nasangpit nga Barangay. Nasikop ang nasangpit pinasikad sa search warrant sa kasong kalapasan sa R.A 10591 (Illegal Possession of Fire Arms and Amunition) nga una nang gipagula ni Hon. Judge Oscar Noel Jr.
Wala na makapalag pa ang suspek human kining nakuhaan ug pusil ngadto sa iyang panimalay.
Nasayran nga gihimo ang Ronda human nga nakadawat ug report ang kapulisan nga matud pa si Abdullah ang sakop sa local terrorist group nga Ansar Al Khilafa Philippines kansa una nang gimugna sa namatay nga si Kumander Tokboy Maguid, iladong ISIS Sympathizer ug supporter sab sa grupong Mauti Group.
Sa karon ang suspek balhog na sa silda sa Maasim, Municipal Police Station.
(Photo from Web)
