General Santos City—sikop sa operatiba sa Philippine Drug Enforcement Agency (PDEA)-Regiuonal Office 12 ilawom sa superbisyon ni Director Gil Cesario Castro, ang usa ka miyembro sa Media ug supplier niini sa duha ka sunod sunod nga operasyon sa Barangay Lagao ug Barangay Calumpang, Gensan.
Unang nadakpan si Richard Basilio Alias Badong, legal age, residenti sa Block 4, Barangay City Heights Gensan alas 7:00 ang takna sa gabie, July 13, 2017 sa gihimong Buybust Operation sa usa Lodging House nga nahimutang sa Barangay Lagao, Gensan. Napalitan ang nahisgutan ug (1) ka sachet sa gituohang shabu gamit ang P500.00.
Sunod nga nadakpan ang supplier ni Basilio nga si Tommy Pabilona, 42, residenti sa Prk. Veteranz, Barangay Calumpang Gensan alas 9:50 ang takna sa gabie human nga gitug-an sa nahisgutang miyembro sa Media ang iyang source sa druga.
Nakuha sa posisyon sa suspek ang (1) ka sachet sa gituohang shabu na nagkantidad ug P2, 000.00 ug marked money nga P500.00.
Sumala pa PDEA-12 nga si Basilio ang ilang gikonsiderang high value target sa maong buhatan.
Samtang gihingusgan usab sa nahisgutan nga siya na frame-up lang sa babayeng iyang nakauban sa lodging house.
Hugtanon usab nga nanghimakak ang gitudlong supplier nga si Pabelona. Sumala niini nga walay kamatuoran nga siya supplier ug shabu ug dili usab iyaha ang iligal nga druga nga gikaingong nakuha kaniya sa mga miyembro sa PDEA.
Subay sa impormasyon nga nakalap sa PDEA-12 classmate ang duruha sa highschool.
Kasong paglapas sa RA 9165 ang gikatakdang atubangon sa duha ka mga suspetsado.
