N-F-A, gisiguro nga mapalit sa merkado sa sunod nga semana ang taas nga kalidad sa NFA rice

National News- Gisiguro sa National Food Authority o N-F-A nga sa sunod semana mapalit na usab sa mga merkado ang mas taas nga kalidad sa N-F-A rice.

Matud ni N-F-A Administrator Jason Aquino nga ang presyo sa mas kalidad nga N-F-A rice, 32 pesos kada kilo.

Kagahapon, gisugdan nang ibaligya sa mga merkado sa Metro Manila ang 27 pesos kada kilo sa N-F-A rice.

Pero gitakda sa lima ka kilo kada konsumer una ang limit sa pagpalit niini hangtud nga mahimong stable ang supply sa N-F-A rice.

Dungan niini, gisiguro sa N-F-A nga dili na masubli ang pagkahurot sa buffer stock sa N-F-A rice.

Gilauman usab sa N-F-A nga moubos sa piso ang presyo sa commercial rice karong duna nay N-F-A rice sa merkado.