Davao City – Hayan mabalhog sa presohan ang driver sa motor nga disgrasya human nakuhaan og inuga nga marijuana sa Medic Team nga mihatud kaniya sa Southern Philippines Medical Center (SPMC).
Samtang gihiling sa sakop sa Medic Team ang suspek adunay nahulog nga papel ug dihang gisusi didto nasuta nga nagdala diay og inugang marijuana ang driver nga si Marvin Taca.
Gilayon gi-endosar sa Medic Team kang PO1 Bautista sa mobile patrol sa Buhangin PNP ang duha ka pakete nga marijuana ug gibantayan na usab sa mga otoridad ang suspek sa SPMC aron dili makasibat.
Bandang alas 12:30 sa tungang kagabhion dihang nabanggaan sa Nissan Patrol nga nakarehistro sa RDL Pharmaceutical Laboratory nga gimanehoan ni Krisroffer Elimino ang motor ni Taca sa may Carlos Garcia Highway.
Pasakaan og kasong kalapasan sa Republic Act 9165 kun Comprehensive Dangerous Drugs Act of 2002 ang suspetsado.
RadyoMaN Joel Viray
