Davao City – Sakay sa rescue boats, gihatud sa rescue teams ang food packs sa internally displaced residents sa Barangay Maglahus sa Munisipyo sa Cateel, Davao Oriental.
Muabot sa 120 ka pamilya sa na-isolate nga barangay ang nakadawat sa maong tabang.
Ang Brgy. Maglahus ang usa sa mga lugar nga labing naapektuhan sa Low Pressure Area human sa pagkaguba sa Maglahus bridge nga agianan padulong sa barangay.
Ang rescue teams gilangkuban sa Provincial Disaster Risk Reduction and Management Office (PDRRMO), Local Government Unit (LGU) Cateel, Bureau of Fire Protection (BFP), ug Provincial Social Welfare and Development Office (PSWDO) maoy naghatud sa pagkaon ug uban pang essential needs sa mga residente.
Padayon karon ang koordinasyon sa PDRRMO ug LGU aron solusyonan ang uban pang problema sa apektadong mga barangay.
RadyoMaN Kirby Manzon
Facebook Comments
