BACOLOD CITY – Wala naghinulsol ang amay sang ginluthang nya makapila ka beses ang isa ka soltero nga nagapangaluyag sa iya bata nga single mom.
Priso karon sa custodial facility sang Police Station 7 ang 64 anyos nga si Lolo Eduardo Diego Perez sang Park Hardin, Barangay Taculing matapos nga luthangon sini si Bernie Casidad, 31 anyos, ang Purok Sunrise, Barangay Taculing, las 12:45 kaina sang ugto sa Villa Nena Subd. Brgy. Vista Alegre.
Sa interview sang dyHB ginpahayag ni Lolo Eduardo nga naakig ini sa biktima bangud apisar gapangaluyag, nakit-an nya nga indi seryoso ang soltero sa iya 27 anyos nga bata.
Gilayon naman nga nagsurender si Lolo Eduardo sa mga otoridad bitbit ang iya .38 kalibre nga pistola nga anum ka bala nga nakalupok na.
