KABANKALAN CITY – Gindala sa ospital ang walo ka tuig nga bata matapos ini anh nabungguan sang van kahapon las 9 sang aga sa Barangay Binicuil, Kabankalan City.
Nakilala ang biktima kay Ryan Casiple kay isa ka primary school pupil nga pumoloyo sang Prk. Matawhay, Brgy. Binicuil.
Nakilala naman ang driver sang van kay Robert John Tarre, 37 anyos kag pumuluyo sang Purok Roadside, Brgy. Tangub, Bacolod City.
Suno sa imbistigayon sang Kabankalan Traffic Police paagi kay P02 Adones Sibala gikan norte nga bahin sang probinsya ang APV van padulong kon tani sa Sipalay City, sang hinali lang nagtabuk si Ryan.
Dugang pa ni P02 Sibala, nga naghingagaw pa nga magpreno ining si Tarre apang sa gihapun nalab-ot nya gid ang bata.
Ang biktima nakaagom sang dako nga bukol sa ulo kag mga samad sa lawas nga una gindala sa Kabankalan District Hospital apang sang ulihi ginpakamaayo sang attending physician nga i-refer sa Corazon Locsin Regional Hospital para sa nagakaigo nga pagtatap.
