Davao City – Epektibo karong adlawa, ang preventive suspension nga gipahamtang sa Land Transportation Franchising and Regulatory Board (LTFRB) sa 34 units sa Davao Metro Shuttle company.
Sa pakighinabi sa DXDC RMN Davao kang Cattleya Acaylar, Regional Director sa LTFRB-XI gibutyag niini nga napirmahan kagahapong adlawa, Pebrero 4, 2019 ang maong suspension order sa Tagum City ug karong adlawa usab kini gi-serve sa maong bus company.
Gipasabot ni Acaylar nga gipatuman ang maong 30-day preventive suspension ayha pa man ang gikatakdang hearing aron masuta kung kinahahanglan na ba gyung i-suspend o kaha i-revoke ang franchise sa Metro Shuttle.
Kahinumduman nga subay sa inisyal nga imbestigasyon, mechanical problem ang hinungdan sa aksidente kagapong adlawa tali sa usa pa ka bus diin miabot na sa 7 ang patay ug kapin 30 ang naangol.
RadyoMaN Kirby Manzon
