Zamboanga del Norte – Prisohan ang gisangkoan sa usa ka batang-on lalaki kinsa maoy natumbok nga nisulod ug nikawat sa mahalong butang og kwarta sa giabangan apartment sa pamilyang Dalmacio sa may Orchid Villas Subdivision Barangay Sta. Isabel, dakbayan sa Dipolog.
Si Michael Gisman alyas ‘ Panoy ‘ 19 anyos, dunay kapuyo nga taga Barangay Letapan Lungsod sa Polanco maoy nadakpan sa follow-up operasyon sa kapolisan niadtong adlaw’ng sabado sa buntag didto sa Lawag Barangay Galas, naharang sakay sa motorsiklo ug nakuha sa posisyon niini ang duha ka Cellular Phone Samsung ug Acatel, Giordano T-shirt, leather wallet ug usa ka M2 Hand grenade nga gipikitan ug paper tape ang pin.
Sa report sa Dipolog City Police Station nasayran sayo sa buntag girespondihan nila ang gikataho nga pagpangawat sa maong subdivision kinsa ang nakawatan mao ang apartment ni Mario Ray Dalmacio.
Migawas imbistigasyon sa kapolisan pasado alas 2:30 sa kadlawon usa ka lalaki ang nakit-an nisaka sa kongkretong koral sa lote nga iya sa pamilyang Bueno’s human nilatay sa koral didto ambak sa tupad sa lote nga iya sa pamilyang Novo’s, gamit ang gikaw-it na kabilya sa barbwire nilahus pagsaka sa galvanized na atop sa pamilyang Motaño hangtud nakalukso sa parking lot sa maong apartment dayon nakasulod sa sliding window sa master bedroom sa biktima.
Malapuson niini nadala ang salaping cash nga 20mil ka pesos, Samsung flat screen 14’ colored tv, usa ka Samsung cellular phone kolor puti.
Sa gihimong pag-imbestigar sa kapolsian sa kasikbit nga mga balay dunay usa ka concern citizen nitug-an nakakita siya’g usa ka lalaki sakay sa motorsiklo nga gihulagway dunay tattoo sa tuong bagtak diha sa tiil nga dala ang gikaigong butang.
Gialerto gilayon sa kapolisan ang mga Police Outpost uban ang mga barangay tanod nga kon diin sa Brgy. Galas nila kini na-intercept ug nadakpan pina-agi sa gihugway nga tattoo niini.
Didto sulod sa presento positibo sab giila sa biktima nga iya ang usa sa cell phone nga nakuha gikan suspek karon adlawa gikatakdang ipailawom na kini inquest proceeding sa City Prosecutors Office.
