Roxas City, Capiz- Natigayon na nga madakpan sang mga otoridad ang nakapalagyo nga inmate sa Roxas City Jail.
Ginkumpirmar sang hepe sang Operations Division sang BJMP-6 nga si Chief Inspector Abner Zamora, matapos nga makabaton sang impormasyon ang tracker team nga ginbug-os sang pamunoan sang BJMP-Roxas kag sa bulig man sang mga barangay official sang Brgy. Balat-an Mambusao, natumod ang balay kun sa diin nagapanago ang preso nga si Jayson Santa Maria y Borlado kaina mga alas 10:10 sang aga.
Suno kay Zamora, sa pihak sang pagkumbinser sang mga otoridad nga ini ang magsurrender na lamang, nagpakatig-a pa si Santa Maria nga magsungka kag nagtuyo nga magpalagyo rason nga napilitan ang mga ini nga magpalupok.
Natigayon nga maiguan sa nawala nga paa ang suspek.
Nagapati si Zamora nga plano sang amo nga persona nga magpalagyo sa malayo nga lugar bangod man nga natigayon nga marekober sa iya wallet ang kapin sa tatlo ka libo ka pesos nga cash.
Sa subong yara na sa isa ka ospital si Santa Maria kag padayon nga ginabulong.
