Davao City – Nasubo si CTTMO Chief Ret Col. Dionisio Abude tungod sa usa ka traffic enforcer nga naaresto sa drug buy bust operation sa Tugbok Pnp.
Sumala ni Abude nga dako iyang kasagmuyo tungod kay nadahig na usab ang iyang buhatan sa binuhatan sa usa ka traffic enforcer nga gi suspetsahang nagpayuhot og illegal nga droga.
Matud niini nga wala siya magkulang sa pagpahimangno sa iyang mga ginsakpan nga dili apilan og binuang ang ilang trabaho susama sa pagpangutong ug uban pang anomaliya.
Gidugang ni Abude nga mas maayong hutdon sa PNP ang iyang mga sakop nga nagtinunto sa katungdanan aron mahinloan iyang buhatan.
Kahinumduman nga nasikop sa Tugbok PNP si Eugene Gil Labor, traffic enforcer sa atol sa ilang gilusad nga buy bust operation.
RadyoMaN Erin Lumosbog
