General Santos City–Gikatakdang pasakaan ug kaso ang usa ka Johnrey Suello, 26 anyos nga taga Purok 4, Saeg, Barangay Calumpang, Gensan kansa nasikop sa gihimong buybust operation sa Police Station 5, alas 11:45 ang takna sa nakalabayng gabie.
Nasayran nga napalitan ang suspek ug usa ka pakete sa pinaugang dahon sa marijuana sa pulis nga nagpakarong-ingnong poseur buyer.
Sumala ni Police Chief Inspector Bashier Alindo, hepe sa Police Station 5, ayha nahitabo ang buybust operation, pila ka higayon nilang gipailawom sa surveillance ang nahisgutang suspek.
Dugang pagbutyag ni PCI Alindo nga basi sa ilang intelligence monitoring, migawas ang pangalan ni Suello sa mga tawong lambigit sa pagpamaligya ug marijuana sa barangay Calumpang.
Base sa impormasyon nga nakaabot sa iyang buhatan, dili lang si Johnrey ang may susamang gimbuhaton sa barangay Calumpang inay daghan pa kini ug mga kaubanan.
Samtang giangkon ni Alindo nga gawas kang Suello aduna pa silay laing mga personahe nga inamonitor sa kasamtangan nga lambigit sa iligal nga pagpamaligya ug marijuana.
