General Santos City–Giandam na sa kapolisan ang kasong frustrated murder ngadto na suspetsadong si Ricardo Estrada, 18, ulitawo, laborer, residente sa Purok 1, Barangay Lamcaliaf, Polomolok, South Cotabato, human iyang gitigbas sa nawong ang biktimang si Roberto Filisilda, legal age, Residente sa susamang lugar.
Sa inisyal na imbestigasyon sa Polomolok PNP nasayran nga anaa sa impluwensya sa ilimnong makahubog ang suspek, nakulatahan matud pa ang nasangpit sa wala mailhing grupo sa mga lalaki didto sa lugar.
Tungod niini miuli kini ug mikuha ug lagaraw sa pamasin nga makabalos sa mga suspek, dihang iyang nasugatan ang biktima sakay sa motorsiklo naalaan matud pa sa nahisgutang suspek nga maoy mikulata kaniya, gilayon niya kining gitigbas igo sa nawong nga bahin ang biktima.
Nakaangkon ug duha ka mga samad ang nasampit nga biktima og gilayon nga gidala sa pribadong ospital sa Gensan.Sa karon anaa na sa maayong kodisyon ang biktima og luwas na sa makuyaw nga kahimtang samtang nagtingkagol sa lock up cell sa Polomolok Police Station ang nasampit nga dinakpan. (Reynald Timario)
